(AP) – E muhe condena pa e asesinato di leyenda di musica Tejano Selena Quintanilla-Perez su libertad a keda nenga y e lo sigui cumpli un sentencia di caedna perpetua pa e tiro fatal contra e cantante hoben na un motel den 1995, e estado su directiva a anuncia.
Yolanda Saldivar, di 64 aña, tabata eligible pa libertad condicional pa porme biaha desde e asesinato di e cantante, ken tabata conoci pa su fanaticonan como “Selena.”
Como un di e pome artistanan Mexicano Mericano cu a drenta escena di musica popular, Selena a kibra barera pa hende muhe den musica Latino. E tabatin 23 aña y tabata na punto di crusa den industria cu pop den Ingles ora cu el a keda asesina.
E cantante su famia y chris Perez, su viudo, a expresa gratitud na Texas Board of Pardon and Paroles. “Mientras cu nada no por trece Selena back, e decision aki ta reafirma cu husticia ta sigui para pa e bida cu a kita for di nos y miyones di fanatico rond di mundo demasiado lihe,” nan a bisa den un declaracion publica riba rednan social.”
Naci na 1971, Quintanilla-Pérez tabata un muhe cu un talento vocal increible, cual el a demostra como e cantante principal di Selena y Los Dinos, grupo di cual e tabata integrante cu su rumannan A.B. y Suzette Quintanilla.
Su popularidad a cuminsa na comienso di 1990, cu su mescla unico di e generonan Tejano, pop, cumbia y otro estilo musical cu a resulta den hitnan mega popular manera “Bidi Bidi Bom Bom,” “Como la Flor,” “Amor Prohibido,” “No Me Queda Mas” y “Tu Solo Tu.” Mayoria biaha e tabata canta na Spaño y papia na Ingles, reflehando su identidad multicultural cu a resona cu hopi fanatico di su musica.
El a gana su prome Grammy na 1994 pa mihor album Mexicano/Mexicano-Mericano cu “Live,” birando e prome artista femenino Tejano cu a gana den e categoria. E tabatin solamente 23 aña ora e la ser mata e siguiente aña.
Su leyenda ta dura pa Mexicano, Mexicano-Mericano, Texanos, Latino y mas.
Na 1997, un film biografico di su bida, “Selena,” a bira un clasico di biaha, cu incluso a lansa e carera di Jennifer Lopez. Na 2017, Selena a ricibi un strea na e Hollywood Walk of Fame.
Segun un vocero di Camara di Comercio di Hollywood, e publico tabata esun mas grandi cu a asisti un ceremonia di Walk of Fame, kibrando un record di 1998 cu a pasa ora Vicente Fernández a haya su strea. Na 2021, el a ricibi un premio di logro di su bida na Grammy.
Den splicacion di su decision pa nenga e libertad condicional, e directiva a bisa cu e panel ta haya cu Saldivar ta sigui posee un menasa pa seguridad publico. Tambe el a bisa cu e naturalesa di e crimen ta indica un “falt di consideracion grandi consciente pa e biba, seguridad y propiedad di otronan.”
Saldivar, tabata fundador di e club di fanatico di Selena y tbata manager di e cantante su boutique di paña, Selena Etc., te ora cu a despedi su persona den comienso di maart den 1995 pa motibo cu a descubri cu falta placa. Saldivar a tira Selena na su lomba, na un motel situa na Corpus Christi dia 31 di maart. Aunke e cantante a logra core bay e lobby, a declara su persona morto na hospital un ora despues. Segun empleadonan di e motel a testigua, Selena a nombra “Yolanda” den “camber 158” como esun cu a ataka su persona.
“Mi no tabata kier hacie. Mi no tabatin intencion di mata niun hende,” Sa;divar a bisa na yoramento durante un enfrentamento di 9 ora cu polis, durante cual el a bisa cu el a cumpra e arma pa kita su mesun bida.
Mas di 50,000 persona a para den rij pa mira Selena su curpa e dia prome cu a der’e na Seaside Memorial Park dia 3 di april den 21995, 13 dia prome cu su di 24 cumpleaños.
Saldivar ta cumpliendo su sentencia den un prison di Gatesville, lo ta eligibel pa reevalua su libertad condicional den 2030.
