Un corte federal di apelacion a rechasa e acuerdo den un demanda ‘class-action’ unda ta tilda e compania gigante di spiona e actividad online di su usuarionan uzando ‘cookies’, hasta ora preferencianan di privacidad ta poni pa preveni cualkier metemento.
Un panel di 3 hues a dicidi diamars ultimo cu un hues di estado di Delaware a haci fout den su aprobacion di e acuerdo na 2017. E acuerdo a exigi pa Google stop di uza cookies pa browsernan Safari, demandando e pago di 5.5 miyon dollar pa cubri e gastonan legal di esunnan cu a entama e caso y contribucion na organisacionnan di privacidad.
Google a keda libera di cualkier exigencia di paga daño y prehuicio. E panel di Huesnan den apelacion a bisa cu e hues su analisis tabata insuficiente. Nan a expresa preocupacion tambe pa e echo cu tabata cla pa exigi sumanan amplio destina pa gruponan exterior.
