(CuraçaoChronicle) – 3 empleado di Curaçao International Airport a ricibi sentencia pa nan rol den trafico di decenas di kilogram di cocaina riba vuelonan di TUI rumbo pa Hulanda.
Un homber di 28 aña a ricibi un sentencia di 6 aña, mientras otro dos colga di 26 aña y otro di 28 aña, a ricibi sentencia cada un di 4 aña. Un di 4 sospechoso di 32 aña y nacionalidad Dominicano a ser libera di tur acusacion den su contra.
E sospechoso principal di 28 aña transporta e droga den container di carga di AKE y tambe a ser haya den posesion di un arma di candela, cual a contribui na e sentencia mas pisa. Corte a enfatisa cu e hombernan a abusa di nan posicion y a traiciona di manera severo e confiansa cu a pone den nan. Pa e otro dos condena , corte a considera un rol limita y circunstancianan personal, incluyendo e culpabilidad reduci di e homber di 26 aña a causa di su capacidad intelectual abao.
E operacion di trafico a involucra dos carga di cocaina, cu un total di 84 y 86 kilogram, ehecuta dia 13 di juli y 17 di augustus, 2023. E evidencia a inclui imagennan di camara di seguridad y testimonio di testigonan. E sospechoso Dominicano a provee un splicacion creibel pa su accionnan, aunke corte a nota algun inconsistencia den su version.
Corte a enfatisa e gravedad di trafico di droga den posicionnan clave. “E cantidadnan involucra tabata claramente pa propositonan comercial,” e hues a declara, describiendo e accion di e condenadonan como factornan empeora den su sentencia.
