(CuraçaoChronicle) – Un novio falso a ser sentencia na por lo menos 30 aña den prizon na Inglatera. E Curasoleño a staca e hoben di 25 aña Riches Obi te ora cu el a fayece ora cu el a bay defende su mama.
Nan tabatin un discusion tocante un estafa di matrimonio falso. E sospechoso, Jurick Croes, a ser paga 500 pound pa drenta un matrimonio falso pero a bira ambicioso y tabata kier mas. El a crea un plan pa horta 50,000 pound for di e muhe.
E yiu homber di e muhe en cuestion a purba proteha su mama pero como resultado a ser staca di manera mortal. Croes su dos complicenan tambe a ricibi sentencia di prizon den nan condena. Raichell Felomina di 40 aña a ricibi un sentencia di 7 aña y 6 luna y Suvenca Martis di 35 aña a ricibi un sentencia di 11 aña y 6 luna.
Te ainda no ta cla si Croes mester a casa cu Bernadette Obi of si e tabata e intermediario cu ta conecta migrantenan cu partnernan pa matrimonio. E muhe tabata trata na un compania di ley cu ta specialisa den problemanan di migracion. Awo e ta biba na Nigeria y tin keho di heridanan permanente.
E sospechosonan tabatin su persona mara den su camber. E fayecimento di su yiu homber a lag’e traumatisa.
