Den su resumen di ayera relaciona cu pandemia di Covid-19, Departamento di Salubridad Publico DVG a informa cu ayera tabatin 27 persona interna den hospital pa motibo di e malesa causa pa coronavirus.
Segun hospital a informa, di e 27 persona interna, 12 tabata den Unidad di Cuido Intensivo (ICU) mientras 15 tabata isola riba piso general di covid.
Ademas, DVG a informa cu 95 persona a recupera, mientras cu a registra 54 caso nobo di Covid-19, di cual 53 ta residente y uno no ta residente. Cu esaki, e cantidad total di caso activo a keda na 541, mientras e cantidad di fayecido no a aumenta, kedando na 52 persona.
E cantidad total di test cu a ehecuta na e diferente localidadnan na Aruba, entre otro laboratorio di hospital, laboratorionan priva y aeropuerto ta 665 test. E tasa di positividad (‘Postivity rate’) entre nos residentenan ta 18%.
