‘Black Box’ hackers ta uza un obheto cu ta conecta na controller di machine ATM, mandando señal pa e ATM saca e placa cu tin paden. 27 persona a keda deteni rond Europa, como parti di un investigacion internacional den e atakenan conoci manera “ATM Black Box”. Miembronan di Union Europeo y Norway a contribui na e investigacion, cual ta apoya door di Europol European Cybercrime Centre.
Atakenan ‘Black Box’ ta ora cu criminalnan ta conecta un obheto cu no ta autorisa riba controller di ATM, cual ta rekeri pa e criminalnan tin acceso fisico na e controller. Esaki mayoria di biaha ta sosode door di bora un buraco den e ATM. Sospechosonan responsabel pa e manera nobo y sofistica aki pa comete fraude di ATM a wordo identifica den varios pais na 2016 y 2017, cu e detencion mas recien na Spaña e luna aki.
