Un hoben di 25 aña a keda deteni na Los Angeles,C alifornia despues cu un incidente di ‘Swatting’ a conduci na morto di un persona inocente na Kansas. E persona deteni, Tyler Raj Barriss, segun BNO News, tin un historia di ‘swatting’ , cual ta haciendo un yamada/melding falso pa manda asistencia policial of di emergencia na un adress incorecto. Esaki ta un crimen digital unda cu ta haci yamada di emergencia na un hende su cas cu intencion pa e SWAT team wordo despacha eynan.’
E homber a yama 911 y bisa cu el a tira su tata anto tin su mama bao menasa di morto hunto cu su ruman hombr. E adres cu el a duna a dirigi polis na cas di Andy Finch, 28. Ora cu autoridadnan a yega nan a rondona e cas aki unda cu supuestamente e tiramento lo a tuma luga. Un homber a sali for di e cas, el a hisa su man ariba varios biaha prome cu un oficial a mat’e cu un solo tiro. Oficialnan a drenta den e cas y topa cuater hende paden, ningun a wordo tira of menasa pues e tabata un yamada falso.
E persona cu a yama a pone hopi detaye den su yamada anto a confundi autoridadnan cu a pensa e tabata un yamada serio.
Fuente: NEWS.AU
