Segun resumen diario di Departamento di Salubridad Publico DVG ayera a registra un total di 26 caso nobo di Covid-19, e malesa causa pa e virus SARS-CoV-2.
Di esakinan, cuatro no ta residente y 22 ta residente. Ademas DVG a informa cu 20 persona a recupera di e malesa.
Segun DVG, e cifranan aki ta representa un tasa di positividad entre nos residentenan di 8 porciento. E cantidad di caso activo di Covid-19 ayera tabata 336, y e cantidad di fayecido relaciona cu Covid-19 no a conoce aumento y ta keda na 156.
Datonan di DVG ta ilustra casonan nobo di Covid cu un averahe semanal di 28 caso pa dia y un averahe di tasa di positividad semanal di 12 porciento pa dia.
Actualmente na Aruba tin 32 persona interna debi na Covid-19 na Hospital Dr. Horacio Oduber, di cual tin 4 caso activo y 2 caso post-Covid den Unidad di Cuido Intensivo ICU, mientras cu riba piso general tin 14 caso activo y 12 caso post-Covid. Ademas, na Colombia actualmente tin 24 pashent di Aruba hospitalisa den Unidad di Cuido Intensivo.
