Spaña lo cuminsa suspende autonomia di Catalonia desde diasabra, mientras e lider di e region ta menasa pa declara independencia. E gobierno a bisa cu ministernan lo reuni pa activa articulo 155 di e constitucion, cual lo permiti pa tuma over control di e region. Lider di Catalonia a bisa cu e parlamento di e region lo vota pa independencia si Spaña continua cu ‘represion’. Hendenan na Catalonia a vota pa un referendum prohibi door di Spaña. Algun ta bisa cu e siguiente accionnan lo por causa mas problema despues cu manifestacionnan grandi a tuma luga prome y despues 1 di october.
Corte supremo di Spaña a declara e voto ilegal anto a bisa cu el a viola e constitucion, cual ta describi e pais manera uno cu bo no por separa. Articulo 155 di e constitucion, cual tin e regla democratico tres aña despues di e morto di dictador General Francisco Franco den 1975, ta permiti Madrid pa impone mandato directo den un crisis pero nunca esaki a keda implementa. Pa Madrid tur esaki ta trata pa sostene e ley di regla na Catalonia, pa protege e constitucion Spaño y disciplina pa un gobierno cu no ta obedece y cu no ta tene su mes na regla.
Gobierno central kier minimalisa e riesgo di demonstracionnan grandi. Abogadonan gubernamental hunto cu sirbidonan civil a pensa duro y largo riba medidanan cu nan lo por adopta, tambe ki tempo y con nan lo mester keda implementa.
