(CuraçaoChronicle) – Investigadornan di University of Colorado a pronostica cu lo tin 23 tormenta pa e temporada binidero di horcan, cual lo surpasa aña pasa su cantidad di 20 tormenta.
E estudio ta revela cu e temperatura na e superficie di Oceano Atlantico y e lama Caribense ta permanece halto y ta keda aumenta, creando condicionnan ‘faborabel’ pa e formacion di horcan. Reportahenan na fin di januari a sugeri cu e aña aki e temporada di horcan lo ta notablemente activo, cual lo surpasa 30 porciento riba loke ta normal.
Un factor cu ta contribui ta e transicion for di e fenomeno El Niño pa La Niña, cual ta resulta den awanan mas cayente y un aumento den nombracion di tormenta. Ademas, e expertonan ta anticipa un cambio significante den e temporada di horcan su manera di funciona.
Aunke Corsou no ta situa den e ‘hurricane belt’ tradicional, reduciendo su probabilidad di haya horcan compara cu otro nacionnan Caribense, e isla lo sinti e impacto di tormentanan den regionnan alrededor.
E averahe ta cu 14 tormenta ta tuma luga pa cada temporada di horcan. Mientras e temporada nobo ta acerca, autoridadnan y residentenan ta ser urgi pa permanece vigilante y prepara pa e potencial di strobacion.
