Despues di su aña inaugural cu hopi atleta local y internacional “Challenge Aruba Triathlon” ta regresa pa su di dos edicion cuminsando dia 20 di October te cu dia 22 di October 2017.
Esaki ta e informacion for di e relato cu a tene un rueda di prensa diahuebs ultio.
E expansion di e evento ta introduci diferente elementonan nobo durante 3 dia manera e Fit Ville Caribbean (CrossFit Games) , Aruba Kids Splash & Dash, RunWalk 5km, Seminarsionan y e Sport Expo. Tur esaki lo ta riba y serca di e parking lot di Hyatt Regency Aruba Resort. Durante tur anochi lo tin un tremendo festival di musica y cuminda cual ta forma parti di e ‘Beer Garden’.
Durante un rueda di prensa diahuebs ultimo na Wet Sushi Bar & Lounge na Paseo Herencia e organisadornan a comparti tur e informacionan valioso cu miembronan di prensa, voluntarionan, atletanan y patronisadornan. E programa expandi ta duna mas persona e posibilidad di participa cual ta inclui tambe muchanan y hobenan activo.
Ja caba atletanan di rond mundo y localnan a cuminsa registra pa e diferente eventonan. E proyeccionan ta mustra cu e aña aki lo surpasa e cantidad di atleta participante. Pa loke ta trata e parti di e triathlon e atletanan por escohe for di diferente opcion manera: half-triathlon, half-triathlon relay, sprint-triathlon or sprint-triathlon relay. Ta importante pa tur atleta pa e seccion aki registra promer cu dia 1 di October mirando cu esaki lo ta e ultimo dia pa registra. E programa completo lo ta disponibel y por registra via via e website.
Proximamente lo amplia riba cada un aspecto di e Endurance Festival.
