Como 21 persona a keda herida, ora cu dos trein di pasahero a dal den otro. Autoridadnan di Costa Rica ainda ta trahando riba nan investigacion, pa haya sa detayenan di e caso aki.

Cruz Cora a informa cu cerca di 20 persona tin herida di consideracion, y un di nan ta hopi grave. Te na e momento aki no tin ningun herido.

Hopi persona a ser evalua na e sitio pa socorrista cu a yega na lugar di e suceso, pero te awor ningun di nan tabatin lesion grave.

E accidente a tuma lugar na Santo Domingo, provincia di Heredia (centro di e pais), entre dos trein cu tabatin cerca di 200 pasahero, tur dos trein ta transporta persona entre localidad di Heredia y San Jose.

Na Costa Rica, tur trein di pasahero ta duna servicio riba un linea solamente, pa tal motibo nan mester coordina y asina un di nan mester tuma un zona di desvio temporal, mientras cu e otro ta pasa riba mesun linea, y asina mester evita algun accidente. Autoridad lo investiga e causa di e accidente. .

Na luna di april 2016, un otro accidente similar a tuma lugar entre dos trein na San Jose, y a laga 106 persona herida y ningun di nan fayeci. Dia 2 di october cu a pasa como siete persona mas a keda lesiona, ora cu un trein a dal contra otro na San Jose.

Accidente entre trein, auto y peaton ta hopi frecuente, pa motibo di e señalizacion deficiente, poco luz di trafico y dispositivo di seguridad.