Diaranson corte di prome instancia a dicta sentencia den caso asesinato na Wayaca, despues cu a caso a keda posponi varios biaha.
Ambos sospechoso, e homber Jefferson E., di Boneiro y e homber Po Sin F. a ricibi 20 aña di prizon. Na prome instante fiscal a pidi 25 aña pero hues a reduci esaki cu 5 aña. E sospechosonan tin dos siman pa apela e sentencia aki.
Caso
Riba 13 di september pa mas o menos 1:10 di merdia un homber arma a drenta un cas na Wayaca di un famia Chines. Despues di un tiramento, un persona na e cas a fayece.
Su pareha a sali herida. E sospechoso a huy y despues polis a confirma cu e tambe ta herida. Na e momento ey no tabata cla si ta trata di un atraco of no. E sospechoso a bandona e sitio den un auto Honda color blanco, A-843 cual a wordo haya net patras veld di Sportboys na Angochi, caminda un investigacion tambe a sigui tuma luga.
Despues di investigacion a detene dos sospechoso, kendenan a keda acusa di a asesina e muhe nacionalidad Chines S.S.K.F. cu un tiro den cabes.
