(NLTimes) – Ministerio Publico (OM) di Hulanda a dicidi di procesa di manera criminal rapper Ali B. y lider di e banda Jeroen Rietbergen pa varios ofensa sexual conecta cu e programa di television The Voice of Holland.
E investigacion tocante acusacionnan cu ta nombra e cantante Marco Borsato cual tambe ta conecta na su trabao riba The Voice, a keda poni un banda pa motibo cu tin un falta di evidencia segun OM. Anteriormente, e fiscalnan a retira nan caso contra di un di e directornan involucra cu e programa.
Ali B. ta acusa di ofensanan sexual aparentemente cometi contra 3 muhe adulto cual a tuma luga durante 2014 y 2018. E incidentenan aki a tuma luga na Amsterdam y Heiloo, ambos na Noord-Holland y tambe fuera di e pais. Un di e incidentenan ta concerni directamente su tempo como un coach riba The Voice. Un di 4 muhe tambe a purba di entrega cargonan den contra di e rapper, sinembargo e acusacion no tabata suficiente pa yega un ofensa criminal segun OM.
Rietbergen, e programa su compositor y lider di e banda, ta sospecha di ofensanan sexual cu a tuma luga den februari di aña 2018. E incidente aki aparentemente a tuma luga den of rond di e studionan unda The Voice a keda graba. Aunke Borsato a keda liber di investigacion tocante The Voice, crimennan sexual separa te ainda ta den investigacion. Esaki tin di haber cu un incidente den december 2021 cu no ta relaciona cu The Voice of Holland. Fiscalnan te ainda no a dicidi si nan lo sigui dilanti cu e caso aki. E cantante tambe a otorga un declaracion contra di e acusante, unda cu el a acusa e victima di a comete difamacion.
Segun loke OM a aclara, 3 reportahe relaciona cu The Voice a keda retira. Dos di e incidentenan aki tabata pa causa di insuficiente prueba y otro pa motibo cu OM ta considera cu ningun acto criminal a tuma luga.
RTL a para e televisacion di The Voice of Holland inmediatamente januari ultimo despues di varios reportahe tocante posibel casonan di mal conducta sexual tras di escena. Algun dia despues, un episodio online di e programa BOOS a keda publica unda cu a detaya e incidentenan di comportamento transgresivo sexual tras di escena di The Voice y The Voice Kids. Den e episodio aki en particular, ex candidatonan a acusa cu nan a ser acosa pa e empleadonan di e programa y suheto na abuso di poder. Varios di e victimanan aparentemente a bay cuerpo policial cu nan acusacionnan.
Rietbergen a admiti prome cu e episodio di BOOS cu e tabata culpabel di comportamento transgresivo. El a confesa cu e tabatin relacionnan di “manera sexual” cu hende muhenan den e programa. Ex coach Ali B. semper a nenga e acusacionnan cu e ta culpabel di comportamento transgresivo. Borsato, ken tambe ta un ex coach di e programa, anteriormente tambe a nenga tur acusacionnan den su contra.
