Durante un caida di un helicopter maritimo di kombate NH90, 2 di 4 miembro di tripulashon a perde nan bida. Ta trata di e piloto di 34 aña di edad Christine Martens y e coordinado tactico di 33 aña di edad Erwin Warnies. Esaki segun un comunicado di Defensie.
Ambos Militar tin e rango di Luitenant ter Zee, 2da klase, categoria mayor. E helicopter a cay den laman, den sercania di Aruba, diadumingu na final di un patruyahe di Wardacosta.
Comandante di Forsanan di Combate Teniente –Atmiral Rob Bauer- a anunsiá esaki durante un conferencia di prensa na Den Haag. Famianan di e Militarnan cu a fayece, e momentu ey ya kaba a wordo poni na altura pa medio di Defensa. E otro 2 miembronan di tripulacion no tin lesion físico serio.
E NH90 ta forma parti di e barco di patruyahe S.M. Groningen. Un helicopter di Wardacosta y ekipo di Defensa di Buseo ta sostene S.M. Groningen pa sigurá e NH90. Den esaki specialmente e kaha pretu (grabashonnan aéreo) tin prioridat.
Ta di spera cu Inspectie Veiligheid Defensie/Inspekshon di Seguridat di Defensa lo bay hasi investigacion riba e rason dicon e helicopter a cay.
