(AP) – Dos hende homber a ser acusa di robo a causa di horta arte di e artista Banksy cu a ser horta for di un galeria na London.
Metropolitan Police Force a bisa diabierna cu Larry Fraser di 47 ana y James Love di 53 aparentemente a bay cu “Girl with Balloon for di Grove Gallery diadomingo anochi.
E sospechosonan a presenta na Wimbledon Magistrates Court riba diahuebs y a duna ordo pa nan permanece deteni te cu nan proximo audiencia dia 9 di october.
Imagennan di camara di grabacion a demostra un homber cu mascara ta kibra un prota di glas prome cu el a core drenta y coy e arte for di e muray. Polis a bisa cu nan a recupera e arte, cual tin un balor di alrededor di 355,000 dollar. Nada mas a ser horta aparentemente.
E trabao cu a horta ta un di varios version di “Girl with Balloon,” un imagen di un mucha cu ta purbando di coy un blaas cora den forma di curason. Originalmente crea riba un muraya na London, e potret a ser reproduci miles di biaha, birando un di Banksy su arte mas conoci.
