19 persona a perde nan bida y 247 a keda herida despues di un temblor grandi diamars na China cu a pasa net riba un area turistico popular parti sur di China, segun media nacional.
Di esnan herida, 40 di nan ta den situacion critico. E temblor a sosode na Jiuzhaigou County parti sur di Sichuan Province diamars anochi. Cinco di e personanan cu a fayece tabata turista anto mester a evacua 2.800 persona for di e area.
US Geological Survey a reporta cu e magnitud di e temblor aki tabata 6.5, 35 KM west di Yongle. Media na china (Xinhua) a reporta cu e magnitud tabata 7.0, citando China su Earthquake Networks Center. Residentenan den Chengdu, e capital provincial, 300 KM leu for di e epicenter , a bisa media nacional cu nan a sinti e temblor.
