Segun resumen diario di Departamento di Salubridad Publico DVG riba desaroyonan di pandemia di Covid-19 na Aruba, ayera tabatin un total di 180 caso activo di e malesa causa pa e virus SARS-CoV-2.
DVG a informa cu cuatro persona a recupera di Covid, y a registra 18 caso nobo di e malesa, di cual dos no ta residente. E cifranan aki ta representa un tasa di positividad entre nos residentenan di dies porciento. E cantidad di fayecido relaciona cu Covid-19 no a conoce aumento y ta keda na 170.
Datonan di DVG ta ilustra casonan nobo di Covid cu un averahe semanal di 15 caso pa dia, y un averahe di tasa di positividad semanal di diesun porciento pa dia.
Actualmente, na Aruba tin 12 persona hospitalisa pa ricibi tratamento pa Covid-19. Di esakinan, 6 persona ta den Unidad di Cuido Intensivo (ICU) mientras cu 16 ta riba piso general. Ademas tin 18 pashent di Aruba actualmente den Unidad di Cuido Intensivo na Colombia pa ricibi tratamento pa Covid.
