Autoridadnan na Burkina Faso (West Africa) a termina un peracion contra teroristanan cu a ataka un cafe Turco den e capital di Ouagadougou diadomingo. 18 persona a perde nan bida, incluyendo dos atakador, segun minister di comunicacion Remis Dandjinou a bisa dialuna.
Den un rueda di prensa el a laga sa cu buskeda den e bario rond di e restaurant lo continua. Dandijnou a bisa cu e victimanan ta di diferente nacionalidadnan. Media local a reporta cu Aziz Istanbul Restaurant, popular pa su recetanan Europeo, tabata yen di hende celebrando un fiesta di cumpleaños ora cu e atake a sosode.
