Segun resumen diario di Departamento di Salubridad Publico DVG riba e desaroyonan di pandemia di coronavirus na Aruba, ayera tabatin 176 caso activo di e malesa causa pa e virus SARS-CoV-2.
Segun resumen di ayera di DVG, 8 persona a recupera mientras cu a registra un total di 12 caso nobo di Covid-19, di cual tur ta residente. E cifranan aki ta representa un tasa di positividad entre nos residentenan di ocho porciento.
E cantidad di fayecido relaciona cu Covid no a conoce aumento y ta keda na 171.
Datonan di DVG ta ilustra casonan nobo di Covid cu un averahe semanal di 12 caso pa dia y un averahe di tasa di positividad semanal di ocho porciento pa dia.
Actualmente tin na Aruba nuebe persona hospitalisa pa ricibi tratamento pa Covid. Di esakinan, 4 ta interna den Unidad di Cuido Intensivo (ICU), y 5 ta riba piso general. Ademas, na Colombia tin actualmente 11 pashent di Aruba interna den ICU y 2 riba piso general.
