(NLTimes) – Un total di 1,675 mucha a ser saca for di hogar di nan mayor como resultado di e scandal di bijstand, NU.nl a reporta basa riba figuranan di Statistics Nederland (CBS) cual a keda publica riba diaranson.
Den e scandal aki, e autoridad di impuesto eroneamente a acusa miles di mayor di fraude, a kita nan bijstand y a laga nan den dificultad financiero.
Esaki ta involucra muchanan removi for di nan cas pa motibonan relaciona y/of causa pa e scandal for di aña 2015 te cu aña 2021, CBS a bisa, yamando esaki un “aproximacion” di e cifra oficial di muchanan cu a termina den e sistema pa causa di e accion di e autoridad di impuesto. Den october, CBS a bisa cu 1,115 muchanan a keda removi for di nan mayornan su custodia pa causa di e scandal. E cifra aki no a aumenta te cu 2020. E figuranan nobo ta inclui e cambionan cu a mira den aña 2021.
CBS a basa nan figuranan riba dato di proteccion di hobennan y di cuido di hoben residencial. Nan no tin dato tocante e removecionnan cu a keda imponi pa corte. CBS a compara e data na e informacion di e agencia di impuesto pa haya un idea di e mayornan cu tabata victima y e muchanan tambe. Luna pasa, gobierno a crea un ekipo specialisa pa brinda sosten na e famianan cu un posibel reunion, trahando cu e municipalidadnan involucra y e organisacionnan di cuido.
Tweede Kamer lo debati e situacionnan aki cu e Gabinete riba diahuebs. Un estudio conduci di antemano a conclui cu e ley Hulandes no ta preveni e muchanan di ser saca for di nan cas pa causa di e mayornan su dificultadnan financiero. Den e scandal di bijstand, institucionnan di proteccion pa hobennan y huesnan a nenga cu e incidentenan aki a tuma luga pa causa di e problemanan financiero, sinembargo e investigadornan no por a descarta esaki.
Anteriormente riba diaranson, fundacion Het Vergeten Kind a publica un estudio unda cu a demostra cu muchanan den e sistema di cuido pa hobennan tin tiki stabilidad despues cu saca muchanan for di nan cas. 3 kwart di nan ta keda movi na un otro cas un averahe di 4 biaha despues cu nan ser saca for di nan cas. Un tercer parti a bisa cu nan no tabata sa cu nan lo keda saca for di cas te cu un dia of algun ora prome cu esaki tuma luga.
