Un hoben Mericano cu ningun problema di salud na South Carolina, a fayece door di a bebe demasiado bebida cu ta contene caffeine. El tuma hopi caffeine den corto tempo, segun autopsia ta indica. Davis Allen Cripe a cay den otro na su scol despues di a bebe un latte di Mc Donalds, un Mountain Dew soft drink grandi, anto un energy drink den menos cu 2 ora. E hoben di 16 aña a muri di un “caffeine -induced” atake cardiaco causando posibel ‘arrhythmia’ (condicion unda cu bo curason ta bati iregularmente of den un manera abnormal). Esaki segun mediconan no tabata un overdose di Caffeine. E no tabata e cantidad di Caffeine cu a causa morto di e hoben; ta e echo cu el a consumi esaki den un corto periodo di tempo, treciendo complicacion na su curason.
Fuente: BBC
