Autoridad di Merca a haya 15.000 kilo di cocaina den un barco na e puerto, nan ta describi un di e cargamento di droga mas grandi den historia di e pais, cu balor di 1 biyon di dollar.
Dos miembro di e barco ta cera y ta confronta cargo federal. Agente hunto cu cacho a invadi e barco. Documento di corte ta bisa cu e trabou a cuminsa dialuna. Den un declaracion ta bisa cu miembro a yuda carga cocaina den e MSC Gayane, ora cu tabata na e costa di Sur America.
Oficialnan Ivan Durasevic y Fonofaavae Tiasage ta esunnan acusa di conspiracion pa trece cocaina den e barco. Un expediente hudicial no ta menciona e abogado pa e acusadonan. No ta cla si tin otro miembro di e barco cu lo enfrenta cargo.
Segun registro di e barco su puerto anterior tabata Bahamas, 13 juni, Panama 9 di juni, Peru 24 di mei, Colombia 19 di mey prome cu el a yega Philadelphia dialuna. Segun autoridad, Colombia ta e proveedor principal di cocaina pa Merca.
Propietario di MSC Gayane a bisa den un comunicado cu e ta informa di incidente y cu e compania a bisa cu lo tuma asunto na serio, y ta gradici autoridad pa identifica cualkier sospecha di abuso y su servicio.
Patrick Trainor, vocero di administracion di control di droga na Merca, a bisa cu prijs di e balor di ‘caya’ ta entre 525.000.000 te cu mas di 1 biyon dollar. Esaki no a marca record di Merca. Na 1986 na Los Angeles a genera 19.504 kilo di droga.
