(Unilad.co.uk) – Mas di 100 persona den freezer criogenicamente ta dera den un desierto na Arizona wardando pa nan keda resucita.
Ubica na e suburbio di luho na Phoenix, e Fundacion Alcor Life Extensions ta e hogar di e 146 curpa di personanan cu tabata freeze den e momento di nan morto. Pa freeze e curpa humano y mantene na un temperatura abou ta permiti pa nan permanece den e mesun estado y no ta descompone manera e curpa humano ta haci normalmente despues di nan morto.
Segun e sitio web di Fundacion Alcor Life Extensions, “Cryonics ta e practica di preserva e bida na pausa e proceso di morto utilisando temperaturanan bou cero cu e intencion di restaura e bon salud cu tecnologia medico den futuro”.
Esaki ta nifica, den teoria, si e tecnologia futuro ta desaroya lo suficiente como pa resucita cuerponan freeze, esunnan dera por bin back na bida.
Esunnan cu a opta pa ta congela na muri probablemente tabata proveni di entornonan adinera, ya cu e proceso solamente por costa banda di 200.000 dollar. Ademas, mester tene lo suficiente apoyo financiero pa continua permanece congela indefinidamente.
E veterano di Primera Guerra Mundial, James Bedford, ta keda haya den esunnan dera den e instalacionnan. Fuera di e edificio di hormigon unda e curpanan ta keda warda, e temperaturanan ta alcansa maximo na mas di 100 grado durante 8 luna pa aña, New York Post a informa.
Si ta bon e posibilidad di resucita un curpa humano por parce un fantasia futuristico di gran alcance, na 2016, investigadonan di 21st Century Medicine na California a descongela cu exito e cerebro di un conenchi di un estado criogenio den un estado casi perfecto.
Segun New Scientist, e investigacion a mustra cu e circuito sinaptico di e cerebro a keda conserva, pero e cerebro no tabata funcional.
