Segun resumen di ayera di Departamento di Salubridad Publico, DVG, ayera a registra un total di 13 caso nobo di Covid-19, di cual tur ta residente di Aruba.
DVG no a duna informacion di cuanto hende a recupera di e malesa, pero si a indica cu e cantidad di caso activo pa ayera tabata 54. Mientras tanto, e cantidad di fayecido pa Covid-19, e malesa causa pa e virus SARS-CoV-2 na Aruba, no a mira aumento y ta keda na 107.
E cantidad total di testnan ehecuta ayera na e diferente localidadnan na Aruba, entre otro laboratorio di hospital, laboratorionan priva y aeropuerto ta 409 test. Tasa di positividad (‘Positivity rate’) entre nos residentenan ta 12%.
