Awe 12 di juni mundo ta conmemora Dia Mundial Contra Trabou di Mucha. Un fecha cu ta enfoca ariba esfuersonan pa termina cu e fenomeno di trabao di mucha cu durante añanan recien a bolbe sobresali pa motibo di entre otro conflicto-, crisisnan y COVID-19.
E aña aki pa Dia Mundial Contra Trabou Infantil e Organisacion di Nacionan Uni (ONU) ta enfoca riba celebracion di 25 aña di e adopcion di e Convencion di e Pio Formanan di Trabou Infantil na 1999 cual tambe ta duna un oportunidad pa recorda tur participante pa mehora nan implementacuon di e dos Convencion Fundamentel riba Trabou Infantil y e Convencion tocante Edad Minimo pa Admision na Trabou.
ONU ta remarca cu aunke pasonan grandi a tuma lugar pa reduci trabou infantil pa un tempo largo, den añanan recien nan a mira tendencianan global cu ta duna pasonan atras back, subrayando e nesesidad urgente pa uni esfuersonan pa realisa accionnan rapido pa elimina e fenomeno di trabou infantil den tur su forma- y manifestacionnan.
Cu e adopcion di e Metanan di Desaroyo Sostenibel (SDG’s) e comunidad internacional a haci un compromiso pa eliminacion di trabou infantil den tur su formanan pa aña 2025.
Riba e dia aki ONU ta haci yamado pa implementacion eficiente di Convencion riba Pio Formanan di Trabou Infantil, accion nacional, regional y internacional renoba pa elimina trabou infantil den tur forma, e pio formanan, pa medio di adopcion di politicanan nacional y adresa e raiz di e rasonnan pa fenomeno aki.
Nan ta yama tambe pa ratificacion universal y implementacion eficiente di Convencion riba Edad Minimo, cu, hunto cu e ratificacion universal di e Convencion riba Pio Formanan di trabou infantillogra den 2020, lo por duna tur mucha proteccion legal contra tur forma di trabou di mucha.
Desde 2000, pa casi dos decada, mundo completo ta haci progreso constante den reduci trabou infantil, pero den e ultimo añanan, conflictonan, diferente crisis y e pandemia di COVID-19, a sumergi mas famia den pobresa y a forsa miyones mas di mucha drenta den e trabou infantil.
Crecemento economico no ta suficiente, ni inclusivo suficiente tampoco, pa libera e presion cu hopi famia- y comunidadnan ta sinti y cu ta haci nan yega na trabou infantil.
Segun stadisticanan di ONU, awendia tin ainda 160 miyon mucha cu ta den trabou infantil. Esaki ta casi un den cada dies mucha na mundo.
Africa tin e puesto mas halto entre regionnan tanto den porcentahe di mucha den trabou infantil, ⅕ parti, y e cifra absoluto di muchanan den trabou infantil, 72 miyon. Asia y e Pacifico ta na segundo luga den tur e medidanan aki, 7% di tur mucha y 62 miyon den termino absoluto ta den trabou infantil den e region aki.
E regionnan di Africa, Asia y Pacifico hunto ta conta pa casi nuebe di cada diez mucha den trabou infantil mundialmente. E populacion restante di trabou infantil ta dividi entre e Americas cu 11 miyon, Europa y Asia Central cu 6 miyon, y e Estado Arabe 1 miyon.
Mientras cu e porcentahe di muchanan den trabou infantil ta mas halto na paisnan di ingreso abao, e cifranan ta realmente mas halto na paisnan di ingreso mediano. 9% di tur mucha na paisnan di ingreso mediano-baho, y 7% di tur mucha na paisnan di ingreso mediano-halto, ta den trabou infantil.
Stadisticanan di ONU riba e cifra absoluto di muchanan den trabou infantil den cada grupo di ingreso nacional ta indica cu 84 miyon di mucha den trabou infantil, contando pa 56% di tur esnan den trabou infantil, ta biba den paisnan di ingreso mediano, y un 2 miyon adicional ta biba den paisnan di ingreso halto.
Pa loke ta stadisticanan riba e cifra di muchanan cu ta traha bou di e edad di 15 aña na Aruba, UNHCR ta indica cu esaki no ta disponibel y cu tin informacion limita riba e incidencia di trabou infantil na e isla.
