E politico y empresario di Corsou Amparo dos Santos a priminti diahuebs ultimo un recompensa di 1 miyon dollar pa e persona cu resolve e caso di asesinato di e politico popular Helmin Wiels cu a tuma luga na 2013.
Dos Santo a afirma cu Ministerio Publico no tin ningun idea kende ta e persona cu a comete e acto di asesinato.
Remarcabel ta e detaye cu e ex Minister di finanzas George Jamaloodin, mita ruman di Amparo Dos Santos a ser sentencia na principio di e aña aki na 28 aña di prizon pa su participacion den e asesinato. Su otro ruman cu ta hefe di e loteria Robbie dos Santos, a ser aresta pa e mesun caso desde comienso di e siman aki. Segun Amparo dos Santos, su dos rumannan no tin ningun motibo pa asesina Wiels.
E politico popular Wiels a ricibi un tiro dia 5 di mei 2013 na playa di Marie Pampun na Corsou. E tempo ey e tabata lider politico di partido Pueblo Soberano. Wiels a realisa un investigacion, entre otro cosnan, riba benta di loteria na Corsou. E asesinato por tabatin relacion cu esaki.
