(NLTimes) – Residentenan mas rico di Hulanda no ta esunnan cu ta paga mas impuesto.
Ingreso medio y halto ta contribui por lo menos 40 porciento di nan salario na impuesto. Sinembargo, e 1 porciento di e personanan cu ta gana mas ta gasta solamente 21 porciento di nan ingreso den impuesto, cual ta menos cu e personanan cu tin e ingreso mas baho, NRC a reporta basa riba resultado di un estudio nobo conduci pa Central Planning Office (CPB).
“E hecho cu e personanan cu mas ta gana ta paga asina tiki impuesto ta un resultado nobo,” economista di impuesto di CPB Arjan Lejour a expres aña e corant. “E bista cu nos semper tabatin di ‘e persona cu mas ta gana ta paga mas impuesto’ no ta refleha den e estudio aki.” Pa e estudio conduci, CPB a inclui tur tipo di impuesto. Impuesto riba bo salario ta pa e personanan cu mas ta gana, pero e otro impuestonan tin e efecto opuesto, e investigadornan a mira. E investigadonan di CPB a mira figuranan di 2016, cual ta e dato mas completo y reciente cu e cantidad mas grandi di detaye.
Contribucion social, manera falta di empleo y skema di deshabilidad tin un limite mas halto. Personanan cu un salario halto no ta paga contribucion riba di e limite aki. Nificando cu mientras mas halto bo salario ta riba e limite aki, mas abao e contribucion social cu bo haci ta afecta. E consumi di impuesto, VAT, tambe ta dal e hogarnan cu e ingreso mas baho di un manera mas duro. Nan ta perde un parti mas grandi di nan salario den esaki. E salarionan mas halto ta keda cu mas placa pa nan mes.
E hecho cu e 1% di Hulanda ta paga relativamente tiki impuesto tambe tin di haber cu e hecho cu hopi biaha nan tin interes den otro companianan. Impuesto riba ganashi corporativo ta mas abao cu e impuesto riba salario. “Nos a aloca e ganashinan aki na e hogarnan riba base di interes financiero,” Lejour a splica e corant. “Como resultado, e presion di impuesto pa e grupo aki a disminui, y nos a visualisa esaki pa prome biaha.”
