(NLTimes) – Mas o menos 15 porciento di e casi 17,000 agencia di empleo na Hulanda ta deliberadamente violando ley di labor Hulandes y explotando empleadonan migrante segun un estudio exploratorio di e Inspectorado di Labor.
Esaki ta yega na mas o menos 2,500 agencia di empleo pagando menos cu e minimum loon, violando e leynan di oranan di labor of pone boet eroneo riba e empleadonan segun Rits de Boer, director di e inspectorado a conta NRC.
De Boer a yama e calculacion “cauteloso.” E inspectorado te ainda ta trahando riba un calculacion final. “Esaki tin e posibilidad di ta dobel,” el a splica.
E no ta solamente e empleadonan migrante cu ta sufri di e explotacion aki, sino tambe sociedad como un segun De Boer. Dunadornan di trabao ta aumenta nan ganashi cu empleadonan barata. Mientras cu sociedad ta paga pa esaki cu extra presion den e espacio escaso cu tin, den e mercado di vivienda y den educacion el a splica. “E situacion no por sigui asina.”
Un comite lidera pa ex lider di SP Emile Roemer, ken a investiga e situacion di empleadonan migrante na Hulanda a conclui 2 aña atras cu e Inspectorado di Labor practicamente no tin bista den e sector di empleo temporario.
