(CuracaoChronicle) – Corsou ta enfrenta un estadistica impactante: 1 den cada 13 residente ta un migrante cu a ser obliga y no tin documento, cual ta un total di 17,000 persona.

E cifranan alarmante aki ta pone Corsou den di 4 luga den e lista di paisnan cu e proporcionnan di refugiado y otronan den necesidad di proteccion legal. Aruba ta den prome luga di e lista, cu 1 den cada 5 residente siendo un migrante obliga.

UNHCR, e Agencia di Refugiado ta adverti contra apatia y pasividad mientras e cantidad di persona obliga di sali for di nan pais mundialmente ta yega cantidadnan record. Segun UNHCR su Global Trends Report di 2023, desde mei 2024, tin 120 miyon persona den mudn ota huy, un cantidad comparabel na e poblacion di Hapon, e di 12 pais mas grandi den mundo.

Conflictonan manera esun na Sudan, Gaza y Myanmar a recientemente yega na un aumento drastico den e cantidad di refugiado y personanan cu a sali for di nan pais. Den Sudan so, desde april 2023, mas di 7.1 miyon nobo internamente desplasa a ser registra cu otro 1.9 miyon refugiado buscando refugio den paisnan alrededor. Di manera similar, miyones a ser saca for di nan pais den e Republica di Congo y Myanmar a causa di luchanan violento.

Den Gaza, violencia andando a causa cu 1.7 miyon persona (75 porciento di e poblacion) mester a sali for di e pais. Siria, sinembargo, a permanece den e crisis mas grandi den mundo cu 13.8 miyon persona ta huy for di ambos dentro y fuera di e pais.

“Tras di e cifranan impactante cu ta keda aumenta tin tragedianan di ser humano,” Filippo Grandi, Alto Comisario di Nacionnan Uni pa Refugiado. “E comunidad internacional mester urgentemente atende e causa nan rais pa e situacion aki.” Grandi ta haci yamado pa respet pa e leynan basico di ley y guera y e ley internacional y ta enfatisa e necesidad pa miho cooperacion y asina combati e conflictonan, violacionnan di derecho humano y crisis di clima.

E cantidad di persona internamente desplasa a aumenta na 68.3 miyon, casi 50 porciento mas di 5 ana atras. E cantidad di refugiado y otronan den necesidad di proteccion internacional a aumenta na 43.4 miyon. Mayoria refugiado ta anfitriona den paisnan bisiña, cu 75 porciento kedando den paisnan di ingreso medio of abao cu ta produci menos di 20 porciento di e ingreso mundial.

Di un banda positivo, mas di 5 miyon persona internamente desplasa y 1 miyon refugiado mundial a bolbe cas den 2023. E cantidad di persona cu a bolbe cuminsa den otro pais a aumenta na 160,000, demostrando un progreso den direccion na solucion sostenibel.

“Refugiadonan y e comunidadnan anfitrionando nan tin mester di solidaridad y un man,” Grandi a agrega. “Tin solucionnan, sinembargo compromiso real ta necesario.”