Mas di 1.47 residente Hulandes mayor di 12 aña di edad no lo ta capaz di usa e app CoronaMelder, pasobra nan smartphone no tin e version rekeri di Android of iOS, segun cifranan di Ministerio di Salubridad Publico comparti cu Nu.nl. A download e app mas di 800mil biaha den su prome siman cu e tabata disponibel riba app store, segun e ministerio.
E app CoronaMelder ta traha solamente riba smartphone cu Android 6.0 of mas recien y iOS 13.5 of mas recien. E app ta usa un marco di Google y Apple cu ta traha solamente cu e versionnan aki di e sistema operacional. Cinco porciento di smartphone di Android y 15 porciento di iPhone na Hulanda ta core un version anterior di e sistemanan operacional aki, cu ta nifica cu no por instala e app.
Esey ta conta pa 425mil usuario di Android y 278 usuario di iPhone. E resto di e 1.47 miyon tin celular cu sistema operacional otro cu Android y iOS.
“E gran mayoria di hende por usa e app”, un vocero di e ministerio di Salubridad Publico a bisa. “Pero e app ta un herment adicional. E investigacion regular di fuente y contacto no lo desaparece y lo keda disponibel pa hende sin e app.” E alcance maximo di e app CoronaMelder ta 12.7 miyon smartphone.
E CoronaMelder a wordo doanload mas di 800mil biaha den su prome siman disponibel. Cienmil di e download ey a tuma luga den e prome dia.
E app ta usa Bluetooth pa intercambia señal cu otro celular cu tin e app instala, pa registra proximidad. Si un usuario di e app ta test positivo pa Covid-19, e app por ser usa pa notifica tur otro usuario di e app kende tabata den contacto cercano cu e pashent pa mas cu 15 minuut, cu nan tambe por ta infecta. E idea ta cu esaki lo haci tracing di fuente y contacto mas facil pa servicio di salud GGD.
