E estado central di India, Madhya Pradesh, a kibra un record mundial Guinness ora cu 1.5 miyon boluntario a planta mas cu 66 miyon di mata den apenas 12 ora canto di riu Narmada.
E esfuerso a logra kibra e record di estado Uttar Pradesh, poni ora cu 800,000 participante a planta 50 miyon mata den un dia na july 2016.
Shivraj Singh Chouhan, e minister principal di Madhya Pradesh, a gaba e logro: “Mi ta extremadamente orguyoso di felizmente comparti cu e pueblo di Madhya Pradesh exitosamente a planta 6.63 crore di mata awe.” Un crore ta 10 miyon.
Segun un comunicado di prensa pa e ocasion, e meta di e evento tabata crea consciencia pa e plan di e nacion ‘make India green again’. Na e conferencia di clima na Paris, India a priminti di hisa e cobertura di bos na 95 miyon hectarea (235 miyon acre) pa aña 2030, y ta poniendo $6.2 biyon pa e esfuerso.
“Mi ta endeuda cu tur esunnan cu ta plantando matanan awe” Chouhan a bisa India.com. “Nos lo ta contribuyendo significantemente pa salba naturalesa. Door di participa den un plantacion, hende ta contribui un tiki na iniciativanan contra cambio climatico y yudando pa salba medio ambiente.”
