Residentenan di Caribe, incluyendo Corsou, lo ricibi acceso formal na e producto di streaming Spotify, cu ta expandiendo na 80 pais den e proximo dianan.
Den Caribe, Spotify lo ta disponibel na Antigua y Barbuda, Bahamas, Ваrbаdоѕ, Веlіzе, Јаmаіса, Dоmіnіса, Grеnаdа, Ѕt. Кіttѕ аnd Nеvіѕ, Ѕt. Luсіа, Ѕt. Vіnсеnt аnd thе Grеnаdіnеѕ, Ѕurіnаmе, Тrіnіdаd y Тоbаgо, Guуаnа, Наіtі, y tambe Corsou, manera a keda anuncia na e evento Stream On di e compania.
“Como parti di nos compromiso andando pa construi un ecosistema di audio berdaderamente sin frontera – conectando creador-, oyentenan y contenido – Spotify ta embarca riba un expansion amplio cu lo introduci e servicio di subscripcion pa streaming di audio mas popular na mundo disponibel na mas di un biyon persona den mas di 80 mercado nobo, y lo agrega 36 idioma na nos plataforma. E movidanan aki ta representa e expansion di mercado mas grandi pa Spotify te awo”, e compania a bisa den un comunicado di prensa.
“Door di yega na mas pais ainda na Asia, Africa, Caribe, Europa y Latino America, nos ta dunando miyones di creadornan nobo e oportunidad di crea, descubri y construi un carera den creacion di audio – y dunando biyones di fanatico nobo un oportunidad pa scuch’e.”
Spotify a bisa cu den cada mercado nobo, nan lo traha cu creadornan local y partnernan pa expande nan oferta musical y duna un experiencia Spotify cu ta cumpli cu e necesidadnan unico di cada mercado.
Den tempo, e compania tin meta pa introduci su catalogonan completo di musica y podcast, plan gratis y premium, como tambe plataformanan nobo manera wearables, speaker di TV, y accesibilidad di auto.
